Lodè Lanmou

Plis ki lonè
plis ki lajan
ki bel gran kaz ki plen fanm adan
sa mwen ka palé'w la
sé sa tout moun
té vé ni touléjou
Touvé'y obò finet a'w
lè'w ka lévé lèbonmaten

Lodè Lanmou

Sa pli bel ki soley
ka lévé lwen dèyè lorizon
Ka vini pòté limiè épi chalè-la pou nou tout
Si'w té pé touvé'y douvan pot a'w
lè'w ka pati lèmaten

Lodè Lanmou

Sa ka fè'w oubliyé lajan lenpo
on lari plen lanboutéyaj
Tout traka
On lavi travay
pwoblem a koleg osi
Si'w té pé touvé'y an travay-la
lè'w ka pwenté lèmaten

Lodè Lanmou

Sé kon lawkansiel
ka liminé, ka chanjé nam a'w
Sé fanm a'w, sé nonm a'w, fanmi a'w, zanmi a'w
Si sa té pé pentiré mason a'w
é kenbé san éfasé
Lanmou

Lodè Lanmou

Sa ni on lodè lanmou fini
lè moun séparé san faché
Lè'w vwè
yen ki bon moman
ka rété pou nou sonjé
On ti zépis jouné michwi
avè lafanmi lézanmi ou tann
Ti bébé a'w ka souri

Lanmou
Lodè Lanmou

Sa pli bel ki soley

Sa ni on lodè lanmou fini
Yo ka kité san faché
Eh ! yen ki bon moman
ka rété pou nou sonjé
On ti zépis jouné michwi
Lafanmi é lézanmi
Gadé ti bébé a’w ka souri

Lodè Lanmou

Plis ki lonè
plis ki lajan
ki bel gran kaz ki plen fanm adan
sa mwen ka palé'w la
Tout moun sé vlé’y touléjou
Si sa té pé pentiré mason a'w
é kenbé san éfasé

Si sa té pé pentiré mason a'w
é kenbé san éfasé

Lodè Lanmou

A/C; DESHAYES Maxence
Album ; SOFT, Kadans a péyi-la.