Tantant

Kon sa tout la jouné
nou pa ka menm palé
nou pa ka menm gadé
si sé pa pou twazé
trété
méprizé
Tantant a pa pou mwen
mé ka pou fè Tantant


Tantant an vlé kembé
Mé an pé pa ankò
Tantant an vlé lité mé an pé pa sa pli fò


Gadé mwen ka tonbé
mwen pa ka menm razé
gadé'y i ka swingé
ka kontinyé makiyé
touléjou
pli bèl dè jou an jou
tantant a pa pou mwen
mé ka pou fè tantant


Tantant an vlé kembé
Mé an pé pa ankò
Tantant an vlé lité mé an pé pa sa pli fò


Alè mwen ka trapé
sa mwen pa té ka sonjé, an vérité
ou sanfouté, ou sanfouté
lè zasyèt ka volé
lè porsèlèn ou sanfouté
lè tout ménaj-la krazé
sé ménaj an nou ou té ka krazé
mwen té a bo rachté
plen ti zasyèt é ti pòtré
mé, ménaj an nou
ménaj an nou pa ka ranplasé


Tantant an vlé kembé
Mé an pé pa ankò
Tantant an vlé lité mé an pé pa sa pli fò

Tantant-o! Wouvè lapot ban mwen
Tantant-o! Wouvè on chimen ban mwen
An vlé kembé
Mé an pé pa ankò

...pé ké pé
An pé ké pé
Pawol nou ja palé, an pé ké pé
...pé ké pé
An pé ké pé
Papyé nou ja sinyé
Tantant.